Tablau Llanw ac arolygon y tywydd

Cyn mentro allan ar hyd yr arfordir, ar y tir neu’r môr, cofiwch gael cipolwg ar y tablau llanw.

Os nad y'ch chi’n gyfarwydd â siâp y traethau a’r pentiroedd, fe allech chi fynd i drafferth os byddwch wedi mentro ychydig yn bellach na’r bwriad, neu os bydd amser wedi hedfan heibio wrth i chi fwynhau'ch hunan.

Yn y tablau isod, fe welwch frasamcan o amser ac uchder y llanw yn Aberystwyth.

I gael syniad o amser y llanw mewn lleoliadau eraill ar hyd Bae Ceredigion, gallwch dynnu neu ychwanegu amser fel hyn:

Bar aber y Teifi	- 33 munud (yn gynt na Aberystwyth)
Pont Aberteifi	- 23 munud
Aberporth	- 21 munud
Y Cei Newydd	- 7 munud
Aberaeron	- 5 munud
Aberystwyth
Borth	+ 11 munud (yn hwyrach na Aberystwyth)
Aberdyfi	+ 18 munud
Glandyfi	+ 38 munud

Sylwch: Os bydd y tywydd yn wael, gall effeithio ar uchder y llanw.

Tablau Llanw Ceredigion 2024 – Fersiwn Digidol

Cliciwch isod i weld y fersiwn rhyngweithiol arlein o’r Tablau Llanw.

Peidiwch ag anghofio prynu eich copi maint poced o’n llyfryn bythol boblogaiddd Tablau Llanw Ceredigion sydd ar gael yn mhob siop llyfrau da a siopau awyr agoroed ar hyd arfordir Ceredigion am £2.50.

Arolygon Tywydd

Gallwch gael arolygon y tywydd ar gyfer yr wythnos gan wasanaeth tywydd S4C.

Tywydd S4C

Y Tywydd

Dros y blynyddoedd, mae arfordir Ceredigion wedi cael ei daro gan dywydd dramatig. Mae rhai o stormydd diweddar y gaeaf wedi cael cryn sylw ar y newyddion ledled y byd.

Ond mae tywydd dramatig hefyd yn rhan o’n chwedloniaeth. Chwedl Cantre’r Gwaelod, sy’n adrodd hanes boddi Maes Gwyddno, yw un o’n chwedlau oesol.

I gael mwy o’r hanes ac i gael gwybod ble i fynd i ddod â'r chwedl yn fyw heddiw, ewch i’r tudalennau am Chwedlau Ceredigion.

Mae nodweddion eraill ein tywydd, fel niwl y môr a tharth y dyffrynnoedd, yn dal dychymyg ffotograffwyr sy’n ymweld â Cheredigion bob adeg o’r flwyddyn.

O bryd i’w gilydd, bydd golau’r haul a diferion niwl neu law yn cyfuno i greu enfys liwgar dlos.