Mae llond gwlad o lwybrau cerdded rhagorol ym Mynyddoedd Cambria. Gallwch grwydro’n hamddenol drwy goetiroedd godidog a gweld rhaeadrau rhyfeddol, gan ddilyn ôl troed hen fynachod yr Oesoedd Canol, beirdd a llenorion, a phorthmyn a mwynwyr y 19eg ganrif. A gallwch ddianc rhag prysurdeb y byd a chael hyd i lonyddwch wrth i chi gerdded rhai o lwybrau mwyaf heriol Ceredigion i gopa Pumlumon. Ar ôl cyrraedd y copa, cewch fwynhau golygfeydd trawiadol dros Eryri a Bannau Brycheiniog drwy lygaid gwahanol.
Dewch i grwydro llwybrau Ysbryd y Mwynwyr i ddarganfod ein treftadaeth mwyngloddio, o arfordir Bae Ceredigion i ddyffrynnoedd Mynyddoedd Cambria.
Dewch i gerdded i gopa Pumlumon i ddarganfod llynnoedd a nentydd lle mae afonydd mawr yn tarddu. Cewch hefyd fwynhau golygfeydd di-dor dros gefn gwlad Ceredigion a mynyddoedd Cymru.
Mae Taith Cambria yn lwybr pellter hir heriol ar draws y llefydd uchaf a gwylltaf Cymru rhwng Caerdydd a Chonwy. Mae'r llwybr 290 milltir (480 cilomedr) rhwng arfordir y de a'r gogledd yn cynnwys copa Pumlumon.
Amcan prosiect Llwybrau'r Sistersiaid yw mapio a disgrifio'r llwybrau rhwng safleoedd y Sistersiaid ar draws Cymru. Mae llwybr y gorllewin yn cysylltu' Ynys Bŷr, Dinbych y Pysgod gyda Chonwy, heibio Llanllyr yn Nyffryn Aeron ac Ystrad Fflur, ac yna ymlaen dros Bumlumon a Chadair Idris i Abaty Cymer ger Dolgellau.